(( عايز ارجع ))
كلمات / محمد السعيد
*******************
عايز ارجع وفيكي أكون
يا بلدي يا أحلى مافي الكون
تفرح قلوب تدمع عيون
بيني وبينك عهد مايهون
أنا ماتعودت أبعد واغيب
واعيش في غربه تايه غريب
انا حلمي فيكي وانتي النصيب
فيكي أهلي وفيكي الحبيب
في الغربه اسمع اسمك أحن
ومن الحنين انا قلبي يإن
هرجع ولا اخيب فيكي ظن
و اجيلك طاير لو أمكن
عايز ارجع برغم ظروفك
أدوق أمانك لو فيكي خوفك
جوا قلبي ومكتوب حروفك
فرحة الدنيا انا لما هشوفك
