أحاسيس متضاربة

************

جوايا شئ
دايما احسه
برسم طريق
امشى ف ضده
احب معنى
اعشق عكسه
اوقات كتير
وساعات اشوف
نفسى بشر
وساعات ملاك
واغضب وائن
اعشق واحن
اعقل واجن
كأن عقلى
صابه جن
بيرمى روحه للهلاك
واحب دايما يمتلكنى
قلب صادق
مع انى
وف نفس الوقت
جوايا شهوة امتلاك
برسم حياتى ف خيالى
مجنونة والطبع مثالى
ودايما اوصف احوالى
مشاعرى ناعمة
ساعات صلبة
احاسيسى
كلها متضاربة
بعشق هدوء ليلى
وسكونه
وطلة الفجر بلونه
واعشق نهارى بجنونه
بدوشته....
بهوسته....
وبجلجلة صوته العالى

بقلمى هدى السيد مشاق