سنين عمرى\ الشاعره شيماء يوسف

بالراحه شويه ياسنين عمرى
ليه كده بسرعه بتمرى
ما تستنى شويه وتتأ نى
نستغفر ربنا نقرب منه ونصلى
اعطى الفقير اللى يسألنى
اصل رحم القريب منى
يمكن يا نفس بالجنه تتهنى

يارب المغفره والمعذره لما بدر منا
ليه كده بس على نفسنا هنا
ذكرنا يارب بفعل الخير وذكرنابالجنه
دى دنيا غروره يانفس انسيها
وجراحنا فيها ازاى نداويها
فى طاعة ربنا الأجابه نلاقيها
بالذكروالترتيل حياتنا نبنيها

بحلوك ومرك ياحياتنا بتمرى
بتجرى ليه دااحنا لسه بنسمى
يانفس على المصطفى على قد ماتقدرى صلى
وادى زكاتك وحجى البيت قبل العمر ما يولى

يلهينا الأمل عن العمل للأخره
يا نفس فاكره انك مقيمه داانتى مسافره
ذودى الزاد والا الرحله تكون خاسره
فى الدنيا كنتى مكافحه ومجاهده ومعافره
وعمرك يادنيا ما حد فكلك شفره
ما يبقى لينا الا رحمة ربنا الوافره