ولسه باحلم
ولسه باحلم ولسه نفس الحلم عايش جوايا
أشوفك يا بلدى جنة لابنى الحبيب وضنايا
أشوف فى شارعك قلعة فيها أمان وحماية
بدل السلاح أشوف إصلاح وزراعه وبناية
كنسيه فى حضن الجامع الأصل واحدوبداية
كلنا من طينه واحدة والدم نيل جواك وجوايا
قدام القانون الكل واحدأبو بدله زى أبوعبايه
اللي ينسي أصله بانه مصرى عارعليه وجنايه
رغيفى من قمحك مش منحة جايه ولاهدايا
واغزل من تانى توبى وايدك بتغزل ويَايا
ده عارعلينانستنى هدمتنا من ابن الخوجايه
وكفاية ياعالم كسل والله راح الكتير وكفايه
ضحك عليناالغرب خلانازى القرود بدلايه
زرع قلوبنا فتن وفرض نفسه علينا وصاية
يسرق وينهب ثروتنا وبعدين يسميها حمايه
نفسي يكون ليبى جنبي سورى ولبنانى وارايا
سعودى ويمنى و تونسى وكل اخواتى معايا
ايدك معايا نقوم نرفع علي القدس للعرب رايه
ولسه باحلم يا مصر ونفس الحلم عايش جوايا
قعده حلوة ساعة عصارى وضحكة سمرا وضلاية
وسهرة قدام الدواربتلم أحباب ونغنى سوا للقمريه
يامصر ياللي ترابك هو فرشتى فى الدنيا وغطايا
كنوز الدنيا لواتعدت ماتجيش في حصوك رملاية
يا ام الجمال ومين قدك حضنك هو فرحتى وهنايا
لسة يا مصربأحلم ولسه برضه الحلم عايش جوايا
محمد ابو الفتح
