بقالي يومين لم اكتب اصلي كنت بقره
قصدي كنت بقرا
وبعد ما قريت عديت علي بنت شقرا
قصدي ابو شقره
عموما في الحالتين كنت بلعب طاولة
وقلت افشر عليكوا فشرة
وسامع صوت الزهر بالنقرة
وسامع صوت خشب بيتقطع بالفأرة
ودوشة اغاني بتتذاع
ورقص خلاع
قلت اشرب قهوة لجل الصداع
ندهت ع البياع
قلتله سك البتاع
اغانيك ع القهوة هابطة
وحصل بيني وبينه مناقرة
وقع الزهر من ايدي
اتلم علينا الناس
حسيت بيوم الاخرة
يادي الليلة السودة
مش كنت فوق ف الاوضة
بسمع اغاني الست
وللابنودي بقرا
مالي ومال الموضة
والسودا والشقرا
مالي انا مالي
انا بقرة
