بنتظر 

كل يوم انتظر فوق تل عالي 
مرة اعتذر ومرة اتعذر 
ومرة ابكي ع الناس وحالي 
يحلالي اشوف الناس من فوق 
مهماش قبالي 
اتفرج علي غلبهم 
وصوت ضجيج حزنهم 
اضحك .. ملقاش جواب لسؤالي 
هو النايم جوا ف قصر بيعمل ايه 
هو العامل نازل حفر والشقا عينيه 
ليه .. الف ليه 
وبناءا عليه 
القا نفسي بصرخ ولالي 
والحقيقة 
سهل اجابة سؤالي 
ده ميزان الاخرة واحد 
سايس خدام وزير وبيه 
لميت عقالي 
وقلت شوية اهرج 
وانا واقف فوق التل اتفرج 
وطيور بتطير حواليه 
طيور بتجرح وطيور تضحكلي
افرح 
اسأل نفسي بيضحكوا ليه 
دنا فوق التل ماهوش سوارية 
يصعب عليا حالي 
فوق التل والناس رايحة جاية 
قدام عينية 
من بعيد اشوفهم سمك ف المية 
لو يضحكوا هنزل 
بس لو يضحكوا مبضحكوش عليا 
ميجرحوش ايديا
ويفرطوا ف عقد غالي 
وقلب خالي 
اصل الناس عايشين متاهة 
ادعيلهم مرة ومرة نداهة
وانا واقف فوق التل

اتفرج علي قفاها