عاملة أيه ؟
مش قادرة اقولك
ع الى بَعدك حاسّة بيه ..
وانت بردو عامل ايه ؟
- انا لسة فاكر
كل سِكة مشينا فيها
وكل رُكن اعدنا فيه
...
- شوفتى الصُدف
انا لما شوفتك من بعيد
قلبى اتخطف
بس عارفة
احلىَ صدفة
انا كل يوم قبل اما انام
ذكرياتنا تاخدنى لفة
واضحك اوى ..
وابكي اوى ..
نار الحنين ليكى
خلتنى انكوي
انا بعد منك فى الحقيقة
اصبحت شخص منطوى
قافل على نفسي
وعلى قلبى
مابقتش عايز
حد جنبى
انا كل ليلة بدعي ربى
ترجعى
وكان نفسي جدآ
تسمعى
حطى ايدك بين ايديا واللمسى
واحضنينى وكل حاجة هاتتنسى
