المكان 

زقاق ضيق اخره ميدان 
الاسم 
حزين بن مظلوم الغلبان 
النوع 
ذكر انسان 
المهنة 
عامل حفر وساعات موان 
قول والله العظيم هقول الحق 
الحق عندي يا بيه عتوان 
انت متهم بالحب 
حبيت بنت ابوها فلان
بن فلان 
هل تقر بذلك 
اقر ومنها كمان 
يعني بتعترف يا جبان 
نعم بعترف 
وارفض اني يا باشا اتهان 
قلبي مرة دق وع البشر بان 
قلبي مرة عاش مدة ثوان 
والله المستعان 
عندك اقوال تانية 
لأ 
طب خدوا يا سجان 
حكمت المحكمة علي الغلبان 
بالسجن المؤبد 
وعدم النشر والكتمان 
ضحك وقال للقاضي 
والله انت فنان 
انقذتني م الجوع 
ونومة الأكلان
تاني خلاص 
مهبات عطشان
ولا يسكن جسمي الناموس

ولا الددبان