إدعيلي أنسى

..........
طالبة ليه
تقابليني آخر
مرة
في نفس
المكان؟
هوه الوداع
دلوقت برضه
بقاله أرض
ولا آخر نظرتين ..
إتواعدوا منه
يفارقوا بعض؟
..........
وبتبكي ليه ..
أناقولت حاجة
تزعلك؟
مش قادر
أتحمل دموعك ..
أصلي عشت
كتير معاكي 
وقلبي ياما إتحملك
دلوقت مش
قادر
على إللي بيجرا
ليه ..
دلوقت مش
قادر أفهمك
..........
حاضر هقابلك ..
زي ماإنتي بتطلبي
بس أما أبص 
للون عينيكي
ماتضعفيش ..
أو لما أقرب
ترضي لحظة
تقربي
..........
إدعيلي أنسى
عينيكي ..
عن أحلامي
أقدر أبعدك ..
وأنا برضه 
هدعي تقابلي
غيري
بحبه يقدر
يسعدك ..
أنابرضه هدعي
تقابلي غيري
بحبه يقدر
يسعدك
..........
ياترى لسة مقتنعة إننا نفترق من نفس المكان إللي إتقابلنا فيه؟ طب ليه تصممي على كدا؟ هوه إنت في الوداع برضه عايزة تفرضي رأيك؟ طيب ياستي..أنا جاي أقابلك في نفس المكان
إقفلي التليفون بقى ..

محمدعبدالرحيم