(( ممكن توصل ))
كلمات : محمد السعيد
*******************
ممكن توصل للي عايزه
بس أكيد محتاج كتير
عشان قلبها ده ماهوش ساهل
قلب حقيقي بجد غير
قلب غير كل القلوب
مش بالساهل إنه يدوب
علشان تبقى ليه محبوب
حسسه دايما بالتقدير
البراءه عكس الطباع
والعيون دنيا جميله
والهوى عمره ماضاع
رغم سكتها الطويله
بحلم بيها كل ليله
وكل شئ في هواها محسوب
قلب غير كل القلوب
مش بالساهل إنه يدوب
عشان تبقى ليه محبوب
حسسه دايما بالتقدير
أماني القلب وياها
أتمنى يوم تتحقق
كل كلامي في هواها
ياريته بس يتصدق
انا في كل حاجه بدقق
عشان مش عارف إيه مكتوب
قلب غير كل القلوب
مش بالساهل إنه يدوب
عشان تبقى ليه محبوب
حسسه دايما بالتقدير
