الف ليله طواويسي(٢)
**********************
في ليلة سوداء
جاءت تلك العنقاء
الاميره زفته زاد
في نفس الميعاد
قالت للملك هباب يار
ايه اللي خلاك مليان غبار
قال. لها استني يا وليه
انا محضر لك هديه
غمضي عينك
وسدي مناخيرك
واخرج من تحت عمامته
هديه تدل علي شجاعته
وقال مارأيك ايتها النحنوحه
في تلك الدجاجه المذبوحه
قالت ماهذا يا بعلي
خيرك مغطي راسي ونعلي
قال اصطدتها من سطح الجيران
بحبل عسبل وكستبان
وذبحها الجزار ودفنت الريش
ولم ادفع له مليم بقشيش
قلت له يا سعدي وهنايا
الحرامي طلع مولايا
رد عليها بكل فجاجه
السرقه شجاعه مش سذاجه
فالت له نعم نعم ياروح امك
داهية تاخدك وتبعثر فيك وتلمك
قال لها ايه يا وليه
شمتى العزال فيا
كلامك شبه التوك توك
وضحكتى على بنات الفيسبوك
قالت بس ده حرام
ازاي ح تقدر تاني تنام
قال لها
اللي يسكت لما يتسرق
يتخرب بيت امه ويتحرق
وهنا نهق الحمار
لما طلع. النهار
فسكتت زفت زاد عن اللك
وتركت لهباب يار باقي العك
فقال يا كعبور هات الساطور
قالت له سيبني لبكره
يخرب بيتك الف مره
***********************
بقلم/ وهاد الطاووس
وجدي إبراهيم مصطفى
