انا كُنت بحب الروح ..

اكتر ما بحب الشكل
انا كنت بحب بقلبى
وبلغى تمامآ العقل
كنا ساعتها ف اعدادى
بشوفها من نظرة بدوب
كنت اسهر افكر فيها
واكتب اسمها فى قلوب
كنت امشى وراها لبيتها
ديمآ من بعد الدرس
وبقول يمكن تلمحنى
فتشوفنى - تّرق تحس
كانت ديمآ تشكينى
للمستر .. انى خانقها
فـ ازعل جدآ وادايق
وبقرر انى هاسيبها
كانو يقولو دى مش حلوة
وانساها وشوفلك حل
وانا كنت شايفها بقلبى
و انها تتاكل اكل
انا كُنت بحب الروح ..
اكتر ما بحب الشكل