ادعيلي
انتي الوحيدة ال ممكن تدعيلي
وانتي ال راح عمرك هدر
لجل توعيلي
كل الدروب هلكت مني
واعتراني الحزن وانطفت قناديلي
مشي الطريق بقي صعب
والدنيا فردة كعب
لا عدت اروح لحد ولا حد بيجيلي
بقيت غريب ف الشعب
وحدي بغني الغنا الصعب
والحرن مواويلي
ادعيلي
وقت الشروق ادعيلي
يمكن دعاكي وقت الليل
يقدر يطفيلي الجرح
ساعة ماشوفني تماثيلي
كام سنة مشوفتنيش
كام سنة
تعاليلي
قبل ماموت من الحصر
اخر تلميذ ف الفصل
عايزك تقوليلي
ايه السر ف زمانك
كان قرءان وكان اناحيلي
مع ان نيلك هو نيلي
وايه السر ف زماني
ابر ف جلدي ومحاليلي
عصير ليمون
وقهوة سادة فناجيلي
احكيلي
قبل ما اموت م القهر
واتحول لحمار وحشي وجتتي فيلي
احكيلي
ثم ادعيلي
ولكل حد ف جيلي
