علشان تبقي أكيد أنسـان 

حد حـقيقي بجد كـويـس
ماتفكرشي بتفكير غيرك 
ويبقي لعقلك فيه 100 ريس
ماتخليش غيرك يحلملك 
وتجامل حد ف أحلامك
وتصدق أفكـار تقلبلك 
كل مساحـة العقل ف بالك
لازم يبقي قـــرارك نابـع 
من تلقاء نفسك جواك
وتعاملك وياك مش تابع 
لمشاعر ناس مش فهماك
صاحب نفسك قوى وأفهمها 
حدد سقف مطالب شوقها
أدى وخـد بينها وبّعدها 
عن رغبة شيطانها و سوءها
عيش الواقع والموجود 
تتفزلكش وترهق نفسك
وفر جواك المجهود 
للفشل اللي هيبقي منافسك
قد ماتقـدر خليك هادى
حـاول قوى تمسك أعصـابك
ف حاجات مالناش فيها وجود 
مش مقسومة وعاملة حسابك
قبل ما تبدأ أى طـريق 
أبدأ عـرّف وقتك بيك 
مايغركش بطول لياليه

مايضيعش العمرعليك