بجد آسف

.........
إستني شوية
ماتتاخديش ..
خليني أكمل
ماتقاطعيش 
وعشان بصارحك ..
حاولي تهدي
تصدقي ..
وإن كنت بكدب ..
تقدري من كل دا
تتحققي
..........
أنا مش بحبك ..
كنت عايز
أقول كدا ..
وفضلت أخجل
كل مرة
من دموعك
وحنين ولمسة
شوق
بياخدك ..حتى
منك ..
تبتدي لحظة
رجوعك
لماكنتي بتقوليها
وإنتي في عينيكي
الرضا ..
كلمة بحبك ..
همسة بحبك ..
كنت بسمعها بندا
بس ليه
وإزاي ماحسش
بية قلبك ..
أوقبلتي تصدقي
إني معجب بيكي
وإللي في قلبي
حلم ..
ماكانش حلمك
.............
يمكن إتأخرتي
ساعة علية يوم ..
أوحتى شهر 
عشان أشوفها..
أقابلها
وأبقى بحبها
تبقى دنيا وحلم
خدني
وحب عمر
..........
بجد آسف ..
إن قلبي في يوم
ماكانش
معاكي إنتي ..
وكنت بتمنى إني
أقدر أسعدك ..
لما أقولها أهديها
تلمس نبض 
قلبك .. ياحبيتي
..........
وحياتك عندي ماكان قصدي أبدا أجرحك..ماكانش في بالي إنك تحبيني بالشكل دا..ولماعرفت حبيت أصارحك ..بس ماقدرتش..كنت بشوف الدموع في عينيكي لمابغيب عنك ولويوم واحد..يبقى إزاي كنت هقدر أقولها؟ إزاي أضيع حلمك بية في كلمتين..وأرجعك من عالم جميل كنتي بتعيشي فيه ..بس بعد كدا ماقدرتش..كان حرام علية أستمر في خداعك وماتعرفيش حقيقة فضلت كتير تعذبني..بجد آسف ..بجد آسف
محمدعبدالرحيم