__ واضحه الحكايه __
كلمات /محمد السعيد
******************
واضحه الحكاية مافيهاش أي غموض
الحب مش فيها ولكل شئ حدود
مش هرضى لنفسي أتوهم
ولا ع الحب هجبرها
قلبها واضح يتفهم
زيها زي كتير غيرها
ماحسيتش بلهفة عينيها
بسهوله بان اللي فيها
و لا يوم انا هبكي عليها
ولا من جراحي هعذرها
مش هرضى لنفسي أتوهم
ولا ع الحب هجبرها
قلبها واضح يتفهم
زيها زي كتير غيرها
ياما حاولت أتودد
وتكتر أسبابها وتتعدد
بس انا من نظره بحدد
هكسبها ولا هخسرها
مش هرضى لنفسي أتوهم
ولا ع الحب هجبرها
قلبها واضح يتفهم
زيها زي كتير غيرها
