مش راجعلك
*******
ليه العيون وقت الفراق كانت ******** عيون من غيردموع
كان السكات بدل الكلام ********** وكان وداع من غير سلام
مين فينا هان عـ التاني ؟ ************* مين فينا التاني باع ؟
من غير عتاب أنا
مش راجعلك
تاني ياللي
هان عليكِ
وبعتِ حبي
روحي للي
خد مكاني
وشوفي غيري
فيه تذلي
……
مش راجعلك
تاني حتى
لو مليتيِ
بحور بدمعك
كنت ليكِ
وبين إيديكِ
تيجي شمس
أضلل عليك
كنت ليليِ
وكنت فجرك
بس جرحك
ويا ظلمك
بدلوني لحد تاني
حد يفرح لو تقاسي
حد يضحك لما تبكي
……
مش راجعلك
تاني حتي
لو هعيش
الصبح عتمة
لو ناديتي بعلو
صوتك قلبي
رافض حتى صوتك
خلتيني خلاص
كارهني
توهت مني
مش شايفني
فين ملامحي
مش عارفني
وبرضه ليكِ
هفضل أدعي
مش عليكِ
هقدر أدعي
الله يسامحك
كنت فاكرك
حضن أمي
بعين تعاتبي
وأيد تضمي
بس وحياتك
خلاص
ببعد وأسامحك
يمكن تراجعي
مرة نفسك
ولو رجعتي
مش راجعلك
ده لو لقيتي حتى نفسك
ياسين عبد الوهاب السيد
6-7-2015
