عندي كتير 

..........
لسة كلامي معاكي
ماتمش ..
قولت كتير
وكإني ماقولتش
خايف يخلص 
عمري في لحظة ..
وتضيع حاجة
حاولت أقولها 
في نفس اللحظة ..
لكن ماقدرتش
..........
قبل ماأموت ..
نفسي الدنيا
كمان وياكي
تكون سامعاني ..
قبل ماأموت
عايز أقول 
لعينيكي معاني ..
وتصدقني
..........
عندي كتير ..
عندي كتير طول
ماإنتي 
في حضني ..
بس يادوب
بقدر أقول كلماية ..
التانية .. التالتة
وبهرب بالإحساس
والباقي يدوب
..........
يمكن بخجل ..
لما دموعك دايما
تصحى ولاتجاوب ..
حاجة في قلبي
من غير ماأسأل ..
وتقابليني بكل
كلامك
وأفضل أنا ..
ماأقدرش أكمل
ببعد وأنا جنبك
مابعدتش ..
يخلص وقتي
معاكي ..
أروح ..وأنا ما
إرتحتش
..........
خايف يخلص
عمري في لحظة ..
وتضيع حاجة
حاولت أقولها 
في نفس اللحظة
لكن ماقدرتش
........... 
عمري ماقدرت وأنا معاكي أقول كل حاجة..لأني لما ببص في عينيكي بيعصاني الكلام..في نفس الوقت بسمع منك كل كلامك..وبحسدك ..بحسدك لأنك بتقدري على حاجة أنا مابقدرش عليها ..وبيملاني خوف كبير من إني أموت ..وأكون لسة ماخلصتش كلامي.. لحبيبتي

محمدعبدالرحيم