رحت المطار 

وقفت اتفرج ع الرايح وال جاي 
بين صالة الوصول وصالة الانتظار 
مرة افرح ومرة يعصرني المرار 
ناس كتار 
مفيش خيار
لازم يسافر لحظة وصول الطيار 
لازم يودع بالدموع 
وبأيديه يطفي الشموع 
مافيش هزار 
شقت عيال تقول يابابا 
خليك يابابا 
يقولهم لسة شمس بلدي 
مطلعلهاش النهار
لما تطلع هتلقوني اب بار 
وابقي ليكم حضن دافي 
جمب منكم 
غظب عني لازم امشي للعمار 
وشفت فرحة ف وش ناس 
فرحة نار 
كأنه واصل من حروب 
والرجوع يعني انتصار 
والعيال وسط دايرة بيحضنوه 
فرحانين ومزوقين له الدار 
شفت ال راجع بالفرحة 
وشفت ال خلاص طار 
قمت راجع 
قمت راجع شخص تاني 
قلت يا بلدي 
احلي مفيكي هما ناسك 
للتعب اتخلقوا وللعمار 
قلت امتي 
بدل مسافر للغريب 
ابني فيكي ليل نهار 
الف سكة والف دار
الف شجرة 
واحفرلك بقلبي ع الآبار 
قلت امتي