يا ريتك كلمه فى قصيده
أألفها
والحنها
وأغنيها
وافكر فى معانيها
واقصصها
واخبيها
واشيل كل الفنون فيها
وافكفكها
نقط وحروف
واشكلها
عيون وكفوف
ويخرج بالحروف قلبى
عن المألوف
وارسم بالنقط دايره
اخبى قلبى جواها
وروحى م الفرح طايره
عشان الكلمه ساكناها
وانام على حجرها وانعس
واخاف اللحظه دى تخلص
فاقوم من النوم
وانزل جوه حرف براح
واجرى واعوم
واشيل نقطك على راسى
واحساسى
واشكل م الحروف فاسى
واحفر بيها قلبى البور
وابدرها فى غيطان عمرى
تقاوى نور
فتطرح وسط دمعاتى
فرح وسرور
والملم م الحروف زادى
واعيش مستور
وادوب فى النقط شعرى
وازود بالحروف سعرى
فاكون سلطان
بيأمر كل اهل الارض
تطيعه عشان
بيضوى بالحروف تاجى
ضيا ساحر
ما هى قنديلى وسراجى
فى ليل غادر
واعيش بيها حياه جديده
يا ماسه ....
نادره وفريده
يا ريتك كلمه فى قصيده
.....................................
عمده
