محلاك يا ليل

محلاك يا ليل السهرانين
محلاك يا حضن العاشقين
محلاك يا حلم المشتاقين
والفجر غايب له سنين
واحنا الحيارى 
احنا الشموس واحنا ازهار الجناين
نتمنا يوم ننول م الحب جانب
نفرح ونسعد بنسمة غرام
العين دموعها ع الخد سال
كان نفسى اغنى لك كلام
ولا اكون لك شمس دفا ف شتويه
ولا اكون لك لحن فى اغنيه
لكن خلاص مات الكلام
واللحن مليان بالملام
اما هجرتى دنيتى وسط النهار
وانا لسه مستنظرك ف الفجريه
لاجيتى ولا جانى فى ليل مرسالك
ولاحتى قلتى ايه سبب هجرانك
ولا ليه بعيده ولا سئلتى عليا
الصبح فات وفات عليه عصريه
لاجواب وصلنى ولاحد رد عليا
ولا طيف هل فى العشيه عليا
غير دمع سايل م الملامه عليا
الفرقه فارده جناحها كل حبه عليا
والسهد ناسج الشباك ف عنيا
وانا فكرى شارد فى مسا وصبحيه
كل العيون ليها حبيب بتشوفوا
وانا ليه عيونى تتمنا ليله تشوفك
هاله عليا فى صبح ولا فى عصريه
اخر الامانى اسمع خطا كى جاى
منوره دنيتى ومنوره لنا الحى
اللى صبح م الهجر مافيه ضى
ولا فيه حنان من يوم ما غبتى عليا
رفيق القلم

سيد صميده