لفيت فى دورة كل السجون
والتهمة كانت ناشط سياسى
واللة ابدا انا واد بسيط
يمكن اكون انسان عبيط
يوم ماثورت وركبت راسى
كان كل همى القى الرغيف
لو حتى حاف
اطلب حقوقى من غير ماخاف
البس هدومى من غير كفاف
ماكنتش ثورة خلتنى
امشى جنب حيط
تضيع حقوقى اسكت
اصهين اعمل عبيط
التهمة كانت ناشط سياسى
والخيبة انى ركبت راسى
اناواللى ذى اطحنا فى الميدان
وغيرنا واقف يدوب يشجع ويقول كمان
احنا اتسجنا فى السجون
وهما سكنو فى القصور
ركبو الكراسى يارتنى ابدا ماركبت راسى
ياريت ما ثورت وقلت حقى
ياريت بخبط خيط بقى
وجنب حيط قعدت ساكت
وعملت ناسى ولاكنت ابدا ناشط سياسى