يمكن انا
ا و مش انا
يمكن اكون
او لا اكون
يمكن غريب
فى المدن
ويمكن تايه عن السكه
اصلى الغريب
وف غربتى مولود
وف دنيتى موئود
مسكنى حبل الغربه كتفنى
سئلت مين هاينصفنى
ما جانى رد
سهرت الليل احاكى النجم
هرب منى وراح لبعيد
سكنى الصمت ومسكنى
حنينى ف يوم ليوم العيد
واكون يومها حدا قلب
هجرنى ف يوم وراح لبعيد
انا الشاكى
انا الباكى
انا الدرويش
انا اللى الحزن دروشنى
وغيره مفيش
وانا العطشان لنبع حنان
اروح عنده ف يوم مالئيش
عير همى سراب شايقه
بعينى وقلبى ما يوم كشفه
انا اللى الليل غربلنى
ومن همى نخل سوسى
وبدره ف ارض شايخه القلب
لا بتحضن ولا بتزهر
ورودها ف يوم
انا اللى الغربه صلبتنى على السكه
وتاه ف الليل خطا قلبى
وراح لبعيد
هوايا غريب
وصوتى حبيس هنا ف حلقى
لاقادر يوم يقول الاه
ولا قادر يعنى الفرح
حبيس حزنى مسا ونهار
طريد حتى جنتى الخضره
سجين صمتى هنا ف سهره
وحلمى مات على جفونى
وقلبى عاش سجين همى
يادوب نبضه بكا وانين
وليا مين هنا يا ليلى
غير الفرح مجافينى
وسال دمعى من عينى
وعشت ادندن الاحزان
سهرت الليل حبيس صبرى
وقلت اعيش مع قدرى
واسكن صمتى واترحم
على امسى اللى كان ارحم
اعز الناس باع قلبى
ووصع الدمع فوق خدى
وباع فى الليل هنا عهدى
وسابنى شريد
حرمنى الفرح يوم العيد
وانا اللى حضنته سنين و سنين
وغنيت له الغرام مواويل
وهنت عليه وسابنى بعيد
ولاليله سئل عنى
رفيق القلم
سيد صميده
