دايما بحب أشبه حياتنا بفازة ورد جميلة
مليانة ورد كتير
كل وردة هي سنة ف عمرنا
كل ما سقينا الورد مياه نقية و وفرنا ليه الجو المناسب كل ما بقي شكله اجمل
زي بالظبط حياتنا كل ما عشناها صح كل ما حبيناها أكتر و شفناها أجمل
بس أكيد إن كل وردة بتدبل ف الفازة دي هي سنة من عمرنا راحت و مش هترجع
لأن عمر ما فيه وردة دبلت و رجعت للحياة تاني
هيجي يوم و الورد اللي ف الفازة هينتهي و عمرنا كمان هينتهي
خلي كل سنة ف عمرك اجمل من اللي قبلها لأنك تستحق تفرح بحياتك
خلي كل سنة ف حياتك هي #وردتك
الجميلة
