كلّ ما الماما تطبخ رزّ
بسمع سيرة دود القزّ!!!
ستّي بتكرّر وتعيد
سيرة هالدّودة من جديد!!!
رفيقتها بصباها
شغلت صبحا ومساها!!!
وأكل الرزّ من زمان
كاين فخرة للإنسان!!!
تتقدر تذوق الرزّ
بدّك تنطر موسم قزّ!!!
والموسم بهالجبل
لستّي وفر عمل
كسبت منّو المصريات
ودفعت حقّن للرزّات!!!
وهيكي صارت طبخة رزّ
تذكّر ستّي بدود القزّ!!!!!!!
-
ستي = جدتي
-
دودة القز= دودة الحرير
-
الجبل= جبل لبنان
-
المصريات= الفلوس
-
موسم قز = كان سكان جبل لبنان ينتظرون هذا الموسم في القرن الماضي وهو موسم الحرير
-
كان سعر الأرز مرتفعا وكان على القرويين في لبنان انتظار موسم الحرير كي يتمكنوا من ابتياعه
