لمحت طيفك

لمحت طيفك بدا 

زي الندا لو طاف

قلبي لهواكي اهتدا 

يامنبع الأوصاف

ياروح بتنضح حياه

وتقرب المسافات

قلبي اللي عاش جواه

دلع البنات همسات

دخله الغرام سواه

وضمد النبضات 

ياللي إنتي طيفك سكن

ف القلب والوجدان

عصفور مابين الشجر 

هايم علي الأغصان 

شده الهوي ليكي

أصبح شريد حيران

لما افتتن بيكي

فرد الجناح حكايات

علي رمشك الفتان 

نزف الدموع بسمات

يامنبع الإحسان 

طالب عنيكي تجود

بالسحر مسوني

والنبض فيا يعود

وتحني لعيوني

يامكمن الأسئله 

فين الجواب راح فين

لمحت طيفك انا

صحي الحياه ف العين

وبسمة النظرات 

دبت ف أوصالي 

طرحت ف قلبي الشوق

وغيرت حالي

أصبحت فيكي سجين

مرهون بنظرة عين

وبقيتي موالي