قصيدة (نهر النيل)شعر/علي محمد شحاته لما يطول بيه الليل **ويا شجونى أقاسى الويل لهفة شوقى توصلنى**لأغلى حبايبى نهر النيل هوه لقلبى أعز ونيس**أحكيله بأجمل أحاسيس أشكيله غدر الأباليس**خلو فؤادى لهمه يشيل لما القلب يكون ولهان**أو يتمنى تروح أحزان سكنت جوه بقالها زمان**خلت قلبى منها عليل جوه الميه بسرعه أعوم**ترحل عنى كل هموم بينى وبينه العشق يدوم** بينا حب وود أصيل ميه تخلى الجرح يطيب**يشرب منها كل حبيب هيقربله ومش هيغيب**أصل لقربه القلب يميل مصر بفضله خيرها يزيد**أرض بتطرح زرع مفيد من أسماكه الحلوه نصيد**راوى عطشنا ماله بديل مهما تعلو وتبنو سدود**خيره علينا ملهش حدود دايما لينا بفضله يجود**بينا وبينه عشق طويل أنا مستغرب ليه بيهون**ليه بنلوث مش بنصون اللى يلوثه ده مجنون**واللى يحافظ أصله نبيل أدعى لربى بكل حماس**يفضل خيره لكل الناس هوه دهبنا وهوه الماس **فخر بلدنا وكل جميل