(((( إنساني ))))
إنساني ....
وإنسى اللي فات
ماتحاولش تفكرني
دا الفات ياعمري مات
مش حتقدر تسحرني
إنسى أيامنا الحلوة
وإنسى الذكريات
إنسى كل غنوة
كان لينا فيها حكايات
مش حقول خسارة
ع الحب اللي راح
دا الحب شرارة
إنطفت قبل الصباح
إنسى وإرحم دموعك
مش حترجعك لقلبي
بلاش أشوف خضوعك
دا ذنبك مش ذنبي
مابحبش الكدابين
ولا اللي لابسين قناع
دا العمر كله يومين
مش محتاج خداع
عيش دنيتك من غيري
يمكن تلاقي حب جديد
إمبارح كنت أميري
والنهاردة بقيت بعيد
إنسى وعيش أيامك
جرب اكيد حتلاقي
معاه حتلاقي غرامك
وماتزعلش على فراقي
صائغ القوافي الشاعر
فهد بن عبدالله الصويغ
23-7-2019
