تابلت ومتبت
فى إيدين مسكاه
بتبلت وتنبت
أحلامها معاه
عفريت ومعفرت
إدلنا قفاه
لو هنج أو عطلت
شبكتنا وتاه
عزرك يا تابلت
وحيد يا ولداه
وجديد فى الصنعة
والقلب معاه
مالو قلم عم أحمد
وكتابه معاه
جيل واتعلم
علمنا معاه
وسبورة الأبلة
روح وحياه
علم ومثبت
إزاى ننساه
فوق ورقة منبت
أجيال تقراه
وخطوطنا تتشبك
فيها عز وجاه
بقى حتة تابلت
مختوم فى قفاه
يرعب فى ولادنا
طول ماهى شيلاه
وسؤاله لطلابنا
مجهول عقباه
تابلت ومتبت
فى إيدين مسكاه
بتبلت وتنبت
أحلامها معاه
…………..وائل سعيد…
