______ أرض العرب (٢)_________

ليه أرض العرب بقت مقابر
ومبقاش في المساجد منابر
ولا جليل الدين ابوقلب صابر
حتي جرس الكنيسة بقا عابر
والغيطان مبقاش فيها بشاير
والعطش علي الجدور داير
ليه في ارض العرب الحروب
وشروق الشمس أصبح غروب
والدمار هلك كل الجيووووب
والمشاعر تبلدت في القلوب
واللي بيدفع التمن غلابه الشعوب
دم وفراق ووجع وقهر وذنوب
ليه ارض العرب حقل تجارب
ومباحة للغريب وكل الأجانب
وأصبح الدمار فيها حق واجب
والحقوق رموها في المقالب
والموجب في أرضها بالسالب
والإنهيار فيها في كل جانب
ليه أرض العرب مفيهاش ضمير
الأرض حزينه ودمعها مرير
والسر جواها مدفون في بير
والغيطان الخضرة بقت بور
والسما حزينه مع الطيور
والأغصان دبلت عليها الزهور
ليه أرض العرب والعرب بالخصوص
ده ليهم رساله سلام لكل النفووس
و ليهم كتاب ودين مخصوص
وعزة ونخوة وعلم مدروووس
وشموخ رسول واجب ودروس
وغزوات وفتوحات لقهر اللصوص
ليه أرض العرب وهي أطهر أرض
الكرسي فيها أصبح عدوة ومرض
والكروش إنتفخت بالطول والعرض
والفتنه جايلهم يحاربوا الفرض
بالأمر المباشر مفروووض بالغرض
يدفنوا العرب في الجزر والمد

............. حسن الشوان ......ً.............

Comments