...............رمضان...........
للشاعر : أحمد الشبراوى محمد
رمضان مش بيجينا
احنا اللى بنروح له
غاسلين ايدينا مطهرين قلوبنا
جايز عينه تشوفنا
يقبل يكون شفيعنا
............................
رمضان مش بيجينا
احنا اللى بنروح له
طاعة لربنا وتقوى
يمكن فى يوم يقبلنا
يقبل منا صبامنا
يقبل منا قيامنا
..........................
رمضان مش بيجينا
احنا اللى بنروح له
جايز ربنا يسمعنا
ويقبل منا دعانا
يشفينا من أوجاعنا
يكفر عنا السيئة
يغفر لنا ذنوبنا
............................
رمضان مش بيجينا
احنا اللى بنروح له
وعشمنا فى الرحمن
رحمته تشملنا
يرضى يوم عنا
ويرضى عن أعمالنا
يهدينا للآخرة
ويهدى لنا الدنيا
آمين يا رب العلا
آمين واسمعنا
