............لازم أعاتب................
بقلم الشاعر / أحمد الشبراوى محمد
............................................
بتلومينى علشان بعاتبك
لا تلومينى
ضرورى أعاتب
أصل قلبى لسا بحبك بيحترق
أصل عطرك لسا لروحى بيخترق
أصل نورك لسا لعينى بيتخلق
لسا وجهك
فى ورقتى بيترسم
لسا روحى لهمس صوتك بتبتسم
لازم اعاتب مهما كانت قسوة دلالك
لازم اعاتب مهما كانت عزة جمالك
ضرورى أعاتب
وقت عتابى روحى بروحك بتتربط
وقت عتابى
قلبك فى قلبى بيتزرع
علشان كدا
لازم أعاتب
لازم اعاتب مهما كان عتابى بيؤلمك
لازم أعاتب مهما كان عتابى بيتعبك
لازم اعاتب
لأن حبك كان لى قدر
وانكتب
لازم أعاتب
