قصيدة (الشك) شعر/ علي محمد شحاته 

الشك وهم وملا قلبى..وله حقيقه وإيه ذنبى

علشان بحبك أتعذب..و الدنيا ترجع تغدربى

إنتى بريئه يا نورعينى..وله يا حبى خدعتينى

بكلامك الحلو تملى..كنتى يا حلوه بترضينى

بسهوله باعتلى غرامى.. نسيت حلاوة أيامى

كان قلبى بيفكر فيها..ويقول هحقق أحلامى 

القلب م الشك إتندم..على حبه عايش يتألم

ويقولى لازم تفارقها..أوعى أشوفك بتسلم 

لازم ترد علي جراحها..إياك أشوفك تسامحها

زى ما قدرت تجرحنى..عذبها إنت وجرحها

قلتله يا قلبى الحاير..مع حبك القاسى الغادر

ودع هواها وودعها..ومن تانى نرجعله نغامر 

جدد هوانا وروقنا .. والحزن خليه يفارقنا

بكره هنهزم أحزانا..و الدنيا فرحها يعشقنا