........بحب لأجلك أغنى.....

بقلم  الشاعرة/ راندا كيلانى

...............................

بحب يا أمى 

لأجلك أغنى

وأزف الفرحة  لأحضانك

وأحب كمان

إحساسى بالأمان 

فى ربوعك

وفى عيونك 

أسجد وأصلى

وادعى ربى يصونك

ويديم لى نبع حبك ويديمك

.............

يا أمى

يا أم دنيتى وعمرى

دنيتى بشوفها فى عنيكى

وورد الكون اتخلق ليكى

وعطره منك وليكى

يا أجمل وردة فى عمرى

أنت أنت يا أمى

...........

نبض قلبى يقول أمى

فى صورة رسمتى أمى

فى لحن غنوتى أمى

ودم شريانى منبعه أمى

وأحلامى كلها أمى 

ولما تضمى وتشمى

كل كيانى يغنى  

يقول أمى

وروحى تراقص نجوم الليل

على نغم أمى

........

لما تضحك ليا الدنيا

بشوف أمى

وفى بسمتى أرى أمى

وفى عز الآه

وحرقتها 

أنادى أماه

تعالى وضمى 

تيجى ايديك مكان ايدها

تنزل حرارتها

أنام واهدى

يروح همى