مبقاش يهم
حضورك عندك من العدم
المهم والاهم
قدرت اخرج من حياتك
حتي لو عشت عمري
برضو هستحمل وجع الالم
حتي حروفي كانت عشانك
رافضه الكتابه
حتي الورق
وحياه الجنين اللي اتسرق
حتي القلم
صدقتي
لما قلت اوعاك تقربيني
لحظه غضب
اوعاك تدخلني دايره ندم
صدقتيني لماقلتلك
اوعاك تولعي في الحطب
او تقربيني من الغضب
اهو كل اللي عندي اتحرق
وانت السبب
كل المشاعر اتجمدت
اتعودت تبقي خشب
كل كلامي اللي عشانك
كان يترسم
كله اتشطب
مبقاش يهم
مين فينااللي مكتوب
ولا مين فينااللي اتكتب
مبقاش يهم
مين يبات مغلوب
مين فينا اللي خسر
ومين فينااللي كسب
مبقاش يهم
حضورك او غيابك
راحتك او عذابك
جنتك او عقابك
مبقاش يفرق حضورك
خلاص انتهي دورك
وغدرك هو اللي كسب
احمد عبدالحق
