قلبي اتحرق
لما شفت النار بتمسك فيك يا خويا
كأنك ورق
ملعون أبو الفساد ، فين الرجولة
عيشة النفق
والإل، كانوا هما أسباب الغروبة
قطر إنطلق
فرغ عنيه م الدولة ومن كل الحكومة
فينا إترشق
إرهابي ذي من دنس أرضى و أبويا
آخر رمق
آخرة سكوتي ع الي سرق لو كان أخويا
موتي في نفق
زى حرق القش ملفوف ف الطبونة
قال لى وصدق
موت على الحق أشرف من طلب المعونة
لو قلت لأ
وآكل تراب، وروحي ف كرامتي مصونة
عيشة الهفق
آخرها زي الورق يتحرق و النار تخونه
دا الموت داحق
واللي سكت ع الحق شيطان في قوله
يا اللي نجيت م الحرق
ورحت نمت الليل بطوله
ضميرك فين ؟ إتحرق
لما سبت أخوك بطوله
وسط وهج النار وشهق
وغيره ما هز طوله
مبروك نجاتك م الحرق
بس سيف الظلم هيطولك بطوله
.......وائل سعيد ......28/2/2019
