رباعيات
اهداء لصاحبة القلم
فرشت ليكى القليب مخمل
وفضلت اجمل ليكى واتجمل
صابني ف القلب سهم هواكى
فصلت اقاسى لكنى بتحمل
زار القلب م الهوى طيفك
يا قتلانى والرموش سيفك
البعد وياة الم الفراق جارح
منيش لعبه تلعبيها على كيفك
زاد الغلا ليكى وعدى الحد
ولا يوم جالى منك ود ورد
زاد الحمل ع ضهرى وحناة
وقلت خطاى وحيلى اتهد
قالو عليل وصابة الهوى
وقلبه فى نار العشق انكوى
صعب الحال منى ع الناس
ولا قلبى في يوم ارتوى
يا ساقى الخمر ع الكيف
بتارة يادى الرموش كالسيف
وايه يعمل معاكى العاشق
لو داق السكرة وقلبه ضعيف
سكرانى عيونك بلا كاس
وبشحت طبطبه م الناس
يا ام الشفايف خمر متعتق
حنى على يا بنت الناس
دنيا غريبه واحنا عارفينها
حسبه واحنا بس حاسبينها
ناس تدعى للناس بالتوبه
وناس م الجهل غيرت دينها
الشاعر/عزالدين جبريل
