يا عم يا مغششاتي
بكرة تعرف غلطتك
لما تسهر ليلاتي
ولا حد يسمع شكوتك
منتى نجحت فادي
رئيس يحكم دولتك
ولو زرت حاتي
وكلت لحم قطتك
منتى نجحت شادي
دكتور يختم لحمتك
تتألم بصوت عالي
لما سرقوا جتتك
منتى نجحت سالي
تبيع حتي كليتك
حقك في ورق بالي
سرقوا محضر حضرتك
منتى نجحت هادي
أبو زمة زي زمتك
لو وصلت القاضي
ما يسمع حتي شكوتك
ما هو دا بغدادي
وصية ابن عمتك
ترجع بيتك تلاقي
الست قافلة شقتك
طرداك يا عبد الهادي
على أمك وخود شنطتك
ما هي ديه هنادي
هدية غش لجنتك
ترجع وضغطك عالي
والجلطة تنهي رحلتك
تموت وموتك عادي
ومين هيقرا فتحتك
الشيخ تيتو الراوي
يوصف في سوء خاتمتك
يدعي عليك ببلاوي
ويهيل عليك طربتك
يا ريت تسمع كلامي
وتفوق وتعرف غلطتك
......وائل سعيد.....