الأيام
ياست بشويش عليه
وريحي جوزك شوي
مش بالكلام القاسي تقابليه
وخلي كلامك كلوا حنية
ده طول النهار شقيان
وراجع البيت تعبان
على كفوف الراحة ريحيه
ده كان بيشيل المونة ودهان
تعالي شوفي جوزك وهو شغال
بشيل حمل وأحمال
كلوا عشان راحتك
ومصاريف البيت والعيال
كل مشاكل العيال عنوا خبيها
وبعد مايرتاح ياست إحكيها
ده قلبوا شيال وشيال
بيشيل عنك هموم ويداريها
لا تقوليلوا مامتك ولا أخواتك
وإخترني أنا ماأنا مراتك
ماأنت ياست واخذاه عالجاهز
ومامتوا جوى عنيك شيليها
لا تشكيلوا من الجارة والجارة
وتقضي يومك تلفي في الحارة
ماأنت ليك بيت زي الناس
وعيال ياست لازم تربيها
خلي همومك جوى بيتك
ولاتشكيها لأخوك وأمك أبوك
لاتزيدي على حملهم أحمال
وكل شوي عن همومك حيسألوك
دي البيوت ياست أسرار
وكل بيت فيه هموم ليل ونهار
ودي سنة الحياة ياست
نشيل الهموم لحد ماتنتهي الأعمار
خليه يحس إنوا سي السيد
وإسهري على راحتوا كل شوي
لوكان قلبوا حجر حيلين
لما تقوليلوا حبيبي يانور عيني
ده الكلام الحلويلين الحجر
وداري على شمعتك صبح وعشية
ماأنت ياست أصيلة
و بتلمي حواليك العيلة
بكرة تكبرالعيال
وكل واحدة بيروح في سكة
تفرقهم عليك الأيام
وميبقاش جنبك غير أبو العيلة
نعيمة رحيمي
