<!--<!--<!--[if gte mso 10]>
<style>
/* Style Definitions */
table.MsoNormalTable
{mso-style-name:"جدول عادي";
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:"";
mso-padding-alt:0in 5.4pt 0in 5.4pt;
mso-para-margin:0in;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:"Times New Roman";
mso-ansi-language:#0400;
mso-fareast-language:#0400;
mso-bidi-language:#0400;}
</style>
<![endif]-->
تعالوا معى نستمع لكلام هذه الأم:ابنى عنده 10 سنين-فى سنة خامسة ابتدائى مش بيعرف يكتب ولايقرأ لغاية دلوقت-هو ذكاؤه مش بس كويس لأ ده أعلى من المتوسط حسب كلام الأخصائى النفسى اللى عمله اختبار الذكاء-وعمل له بعد كده اختبارات صعوبات تعلم وطلع ان عنده صعوبات تعلم فى القراءة والكتابة وإنه محتاج تدريبات وجلسات لعلاج هذه الحالة-لكن فى دكتور نفسى قاللى إن السبب عصبيتى ومشاكلى أنا ووالده لأن احنا فى خلاف مستمر وزمان كانت خلافاتنا أشد من دلوقت بكتير كان بيضربنى وأنا كنت بأشتمه ومرة رفعت عليه سكينة وللأسف كل ده كان قدام الولد فى سن من 2 إلى 4 سنوات ولما الولد كان عمره 4 سنين انفصلنا لمدة سنة ورجعنا تانى لبعض لأن احنا ينطبق علينا المثل اللى بيقول (القط ما يحبش إلا خناقه) ورجعنا لبعض وبرضه بنتخانق –هل ياترى لو بطلنا خناق الولد ممكن يبقى كويس؟
الحقيقة ممكن يتحسن لكن التخلى عن العصبية ونبذ الخلافات الأن لن يكون مؤثراً بشكل كبير لأن ما تم غرسه فى مراحل الطفولة المبكرة يصعب تغييره أحياناً.....ايه الموضوع وايه الحكاية؟
حينما نتأمل كثيراً فى حالات الأطفال ذوى الإحتياجات الخاصة مثل صعوبات التعلم-اضطراب فرط الحركة وتشتت الإنتباه وتأخر اللغة النمائى فإننا كثيراً ما نلاحظ وجود مشكلات أسرية وخلافات زوجية قد نعتبرها اساءة للطفل بشكل غير مباشر لكونها تفقده الشعور بالأمان أو قد تؤدى إلى إساءة مباشرة للطفل فى شكل إهمال لأن الوالدين مش فاضيين غير لخناقاتهم ومشاكلهم أو العصبية المترتبة على الخلافات والتى تصيب الوالدين ويحدث نوع من الإزاحة على الطفل لأنهم مش طايقين نفسهم ولأن الطفل يشكل جزء من الأخر فى العلاقة الزوجية فالتنكيل به يمثل تنكيلاً بالأخر فالزوجة قد تتشاجر مع زوجها فتقوم لتضرب طفلها بالعصى ولاتدرى أنها تضرب جزءاً من زوجها والزوج يسب ولده على تصرفاته فهو يسب تلك التى تقضى معه معظم الوقت لتربيته فيدحض جهدها والطفل لعبة بين الإتنين وهم مش عارفين هم بيعملوا فيه ايه؟بعد كده يبدأ الطفل مرحلة دخول المدرسة وفى مرحلة الروضة يبقى فى صعوبة فى تعلم الطفل مبادئ اللغة أو الحساب او المفاهيم وما حدش ياخد باله لأن ما فيش امتحان ومحدش أصلاً بيفكر فى الطفل ده-هو احنا فاضيين له ورانا ثلاثة خناقات بعد الأكل يوماتى وكأنها موصوفة- ومع الوقت تظهر المشكلة حينما تزداد صعوبة المواد الدراسية لأن أصلاً الأساس مغشوش من البداية والتعلم بناء تركيبى لابد أن يوضع أساسه بذمة وضمير وياريت الناس تعرف أن سنة أولى روضة وتانية روضة أهم من الثانوية العامة.معايا ولا حتوهوا منى؟نرجع للولد....هو دلوقت عنده صعوبات قرءاة(ديسلكسيا) طيب هو مولود بيها واللا الخناقات عملتها؟ طيب هو سببها نفسى واللا عضوى؟ طيب والعلاج إنهم يبطلوا عصبية واللا الولد ياخد جلسات؟ياللا نجاوب مع بعض:مولود بيها؟صعب لأن التعلم من الوظائف المخية التى تحتاج للتفاعل بين التركيب الجينى والإستثارة البيئية...طيب هل الخناقات عملتها؟الحقيقة صعوبات التعلم من الإعاقات التى تنتج عن خلل أو عطب عضوى وظيفى فى المخ أى على مستوى الخلايا العصبية والمرسلات الكيمائية وهذا الخلل قد ينتج عن عوامل كثيرة مثل نقص الأكسجين أثناء الولادة واصابات الرأس الطفيفة لكن هل تؤدى الإساءة للأطفال فى مراحل الطفولة المبكرة إلى عطب عضوى وظيفى بالمخ..نعم يمكن أن يحدث هذا وتابعونى...
د.نهلة نور الدين حافظ
أخصائى الطب النفسى والأعصاب
ساحة النقاش