<!--<!--<!--[if gte mso 10]> <style> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0in 5.4pt 0in 5.4pt; mso-para-margin-top:0in; mso-para-margin-right:0in; mso-para-margin-bottom:10.0pt; mso-para-margin-left:0in; line-height:115%; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-fareast-font-family:"Times New Roman"; mso-fareast-theme-font:minor-fareast; mso-hansi-font-family:Calibri; mso-hansi-theme-font:minor-latin; mso-bidi-font-family:Arial; mso-bidi-theme-font:minor-bidi;} </style> <![endif]-->

التواصل الزوجى الناجح...........النواهى فى العلاقة الزوجية(1)

مراتى قنبلة موقوتة:

بجد أنا بأحس إن مراتى قنبلة ممكن تنفجر فى وشى فى أى وقت مش عارف إمتى ممكن تنزع فتيل الأمان ويحدث الإنفجار...ثورة عارمة ممكن ألاقيها فى أى وقت مع إنها فى أوقات كثيرة بتكون هادية جداً وفى منتهى الرقة والحنان لكن أول ماتقوم ثورتها ألاقيها بتتكلم فى حاجات كثيرة كلها عن تصرفاتى الوحشة فجأة بألاقى نفسى بقيت إنسان سيئ جداً ولايمكن أكون الشخص اللى بتقول إنها بتحبه وإنه كل شئ فى حياتها....تعالوا نشوف إيه حكاية الموضوع ده؟

ياترى الراجل ده بيقول الحقيقة؟....أه أنا مصدقة كل كلمة قالها....طيب وياترى مراته بتحبه بجد؟ أه طبعاً ممكن جداً وإنه فعلاً كل حاجة فى حياتها...إمال إيه الجنان ده؟...مش جنان ولاحاجة كل الحكاية مشكلة تواصل زوجى...لو بنعرف إزاى نتواصل فى الحياة الزوجية حاجات كثيرة من مشاكلنا ممكن تنتهى...وهنا حنتكلم عن النواهى فى التواصل الزوجى والنواهى يعنى إوعى تعمل كده...طيب هنا حنقول إيه للزوجة دى؟ أو إيه مشكلتها اللى عايزين نتعلم منها؟...عايزين نعرف إنه فى العلاقة الزوجية لازم نقول خلى بالك وإحذر طوابع التداول العاطفى....يعنى إيه؟...تعالوا نفهم مع بعض....فى الحياة الزوجية بنعدى بمواقف كثيرة ممكن نتضايق فيها من الطرف الأخر بس بنعديها ونقول جوانا مش حنقف عند كل حاجة أو لأننا مشغولين وجت حاجة تانية شغلتنا فنسينا إننا اتضايقنا أو إن حصل أى موقف أصلاً....بس ياترى إحنا نسينا بجد؟فى بعض الأحيان مش بنكون نسينا ولاحاجة لكن تصوروا معايا إن عندك علبة لها مقاس معين وعمال كل شوية ترمى فيها حاجة لأنك مش لاقى لها مكان دلوقت...عمال ترمى ترمى وبعدين فى الأخر امتلئت عن أخرها خلاص مافيش حل لازم تفرقع ويخرج منها كل المستخبى....طيب تعالوا ندى مثال كده....زوجة دائماً بتضايق من زوجها مثلاً  لأنه اتعود كل مايغير هدومه يرميها فى أى مكان عمره مايفكر يحطها فى المكان المخصص للغسيل...اتضايقت الزوجة...وقالت لنفسها مش مشكلة حا أروح أنا وأحطها بنفسى وخلاص....هى صحيح قالت كده بس ممكن جداً تكون بدأت تكتب وتدون فى الكتاب...كتاب إيه..؟كتاب تخزين المشاعر اللى بيتشال ويتفتح فى أى وقت وتطلع كل صفحاته وسطوره بدون سابق إنذار....نقدر نقول كتاب حفظ الطوابع العاطفية...يعنى كل يوم والتانى مع مواقف الحياة عمالة تخزن مواقف فى شكل عواطف سلبية يتم اختزالها فى طابع معين أو زى ما بنقول ستامبات...جوزى مهمل...أدى طابع....جوزى عايز خدامة...أدى طابع......جوزى غيور.....جوزى عصبى...جوزى طبعه صعب....وتبقى هذه الطوابع كامنة فيتصور من يختزنها أنه لايتوقف عند صغائر الأمور لكنه فى الواقع يتوقف لحظات ثم يقوم بكبت مشاعر الغضب التى تتراكم وتنطلق فى أوقات غير ملائمة فيحدث رد فعل غير مناسب مطلقاً للحدث مما يثير دهشة الطرف الأخر والذى لايعرف أى تفسير لهذه الثورة...لأنه من الأصل مش عارف إنه واخد ختم عدم النظام أو عدم الإحساس بالأخر أو الغيرة أو العصبية......هو مش عارف وببساطة شديدة جه فى يوم وأكل وترك الأطباق مكانها وقام فتح التلفاز وساب الدنيا تضرب تقلب.....الزوجة برضه اتضايقت لحظة وقالت مش مهم أنا ح أخدهم وأوديهم بنفسى فى غسالة الأطباق أو الحوض....جه اليوم اللى بعده ونام ونسى نور المطبخ....قام على قنبلة....أنت نسيت النور دى مش عيشة حرام عليك والله اللى بتعمله ده أنت مش بتحس بى أنت عايش لنفسك أنت وأنت والراجل مذهول مش عارف فى إيه...نسيت النور هو ده ممكن يكون سبب فى إنهاء حياتنا الزوجية؟ لأ...مش حكاية إنك نسيت النور حكاية إننا انتظرنا وقعدنا نجمع فى طوابع ونلزق كل يوم واحد أو اتنين...كان ممكن تخلص  أى مشكلة ببساطة لو الزوجة قالت بطريقة عقلانية هى إيه اللى بيضايقها والزوج سمع لها ووضع كلامها فى الإعتبار...ممكن الطرف الأخر يكلمنى ويتواصل معايا بس ممكن كمان إنى أعتبر كلامه كأنه ما كان أسمع وبرضه أعمل اللى عايزه ..يبقى التواصل مسئولية الطرفين واحد بيقول بعقلانية هو متضايق من إيه وأخر بيسمع بإهتمام علشان يرضى الأخر..لأنه المفروض بيحبه ومش عايز يزعله...نفس الكلام فى موضوع طوابع التداول العاطفى موجه للزوج....يعنى روحت لاقيت زوجتك ما عملتش أكل ...وأنت راجع تعبان وجعان...إوعى تفتح كتاب الطوابع وتلزق كل يوم طابع زى ....مراتى مهملة...مراتى مش مهتمة بى....مراتى..... ...لغاية ما تيجى فى يوم تنفجر فيها لأنها نسيت نور الحمام ونامت من غير ما تطفيه.

من أجل التواصل الزوجى الناجح إحذر طوابع التداول العاطفى.

د.نهلة نور الدين حافظ

أخصائى الطب النفسى