<!--<!--<!--
بناء الثقة بالنفس (14)
المفكرة اليومية لمواجهة الأفكار السلبية:
وصلنا فى الجزء اللى فات إنك إقتنعت إنك لازم تتغير وقلنا لازم يكون معانا الورقة والقلم لأن التغيير سيحتاج لرصد أفكار ومشاعر وسلوك وتدوين كل ده فى مفكرة يومية تقدر تتابع بها نفسك على مدار 24 ساعة وكل أسبوع وكل شهر....وبداية التغيير هى رصد السلوك وتحديد ما يصاحبه من فكرة ومشاعر....تعالوا نشوف إزاى نقدر نرصد توقعاتنا المتحيزة فى مواجهة مواقف الخطورة اللى اتكلمنا عنها وحنطبق الكلام الأول على الموقف اللى واجه الأستاذ ع وبعدين نتعلم نعمل ده على نفسنا....
تعرف على توقعاتك السلبية:
قد إيه مصدق إن ده حيحصل ومقتنع به...ضع نسبة حسب اقتناعك من 0-100% ولتكن 80% |
موقف الخطورة:دعوة الأصحاب للإنضمام لفريقهم فى مسابقة |
إيه هى المشاعر اللى أنا حاسس بيها..قلقان مثلاًضع نسبة من 0-100% ولتكن 70% |
ما هى توقعاتى أو تكهناتك بالنسبة لهذا الموقف..وياترى إيه النتيجة النهائية للى حيحصل فى الموقف ده؟أتوقع إنى ح أكون سئ للغاية...مش حأعرف أجاوب أى سؤال...الناس حتحس إنى غبى وسبب إن فريقهم يخسر فى المسابقة...أكيد حيندموا إنهم دعونى للإنضمام لفريقهم... |
إختبر مدى صحة توقعاتك السلبية:
ما هى الأدلة المضادة لهذه التوقعات:-قدرت أجاوب بعض الأسئلة فى بعض المسابقات اللى زى كده...وساعات لما الناس بتسالنى فى حاجات فى الحياة العامة بأكون عارفها وأقدر أتكلم فيها..-اكتسبت خبرة ومعلومات مفيدة لما كان فى حاجات مش بأعرفها وعرفتها من الناس اللى جاوبتها |
ما هو الدليل على توقعاتى:-حصل مرات كثيرة قبل كده إنى كنت مش بأعرف أجاوب على أسئلة فى مسابقات زى كده أو أسئلة فى الحياة العامة.-كثير بألاحظ إنى مش بأرد بنفس السرعة زى باقى أصدقائى...بأحس إنهم جاهزين وعارفين كل حاجة وأنا مش عارف حاجة. |
إيه أحسن حاجة ممكن تحصل؟إنى حأعرف أجاوب معظم الأسئلة صح وبسبب وجودى الفريق بتاعى كسب. |
إيه أسوأ حاجة ممكن تحصل؟-مش حأعرف أجاوب ولا سؤال صح....فريقنا أكيد حيخسر...وأكيد أصحابى اللى معايا فى الفريق حيكونوا متضايقين منى جداً ومش حيكلمونى لغاية ما أمشى.. |
|
|
فى الغالب إيه اللى ممكن يحصل؟إنى أجاوب بعض الأسئلة صح وأداء فريقنا يكون معقول-مرضى |
إيه تأثير التوقعات السلبية على؟
-كانت السبب فى إنى قلقان زيادة عن اللزوم وده خلانى ما أعرفش أفكر وكمان حرمنى من متعة التسلية والترفيه والأصدقاء اللى هى كانت الهدف الرئيسى لهذه المسابقة
-لوحصلت أسوا حاجة توقعتها وهى إنى مش عارف ولاسؤال...حأتصرف إزاى؟
- ممكن ألجأ للمزاح والضحك والسخرية من نفسى ...مثلاً ها مين يحب يخسر المرة الجاية علشان ياخد شرف انضمامى لفريقه؟...الناس ممكن تضحك ويكملوا سخرية ومزاح معايا..عادى كله من باب الدعابة والمرح فى هذه الليلة...وممكن الناس ما تاخدش بالها أصلاً...أنا ممكن أكون من جوايا متضايق شوية بس مش مهم فترة وحأنسى الموقف لأنه لايستحق أكثر من ذلك.
- إزاى ممكن أشوف الموقف على بعضه....
- دى مجرد مسابقة هدفها إن الأصحاب يتجمعوا ويقابلوا بعض وأهم حاجة فيها الصحبة...وأنا شايف إن كلهم مش واخدين الموضوع جد ...ده غير إن أسئلة المسابقة لم تكن فى محيط إهتماماتى ومجالات معرفتى...أه ما هو كل واحد له إهتمامات ومجالات معرفة ومافيش حد عارف كل حاجة لكن ما فيش مانع نجرب ونشوف مجالات أخرى علشان نعرف أكثر...
إيه الإيجابيات اللى ممكن أشوفها فى الموقف ده؟
ده عمل فريق ولما خسرنا أنا مش مسئول لوحدى...أنا بأشوف نفسى كويس فى...مثلاً..الموسيقى...العلوم وأكيد لو المسابقة كانت فى حاجة من المجالات دى كنت حأجاوب كويس.
نمى التوقعات الواقعية...
إيه التوقعات الأكثر واقعية فى هذا الموقف؟
مش لازم كل تفكيرى إنى حأجاوب صح وبس دى مجرد ليلة نتقابل فيها ..دول أصحابى..وكلنا المفروض مهتمين إننا نشوف بعض...هم أكيد مش اللى يهمهم إننا نكسب المسابقة ولا مين حيجاوب صح واللا مين مش حيعرف يجاوب..أكيد حأعرف أجاوب بعض الأسئلة لو كانت فى مجال معرفتى وإهتماماتى ...حأعمل إيه فى المسابقة دى مش تقييم أبدأً لشخصى أو ذكائى...وأكيد كل واحد فى الدنيا وأنا كمان..له نقاط قوة ونقاط ضعف
ياترى أنا دلوقت قد إيه مصدق التوقعات السلبية...مثلاً 30%....يااا أنا بدأت أهدأ فعلاً
طيب مشاعر القلق اللى كانت موجودة تقدر تقول نسبتها قد إيه؟...20% مثلاً
يبقى فعلاً أنت بدأت تهدأ والمشاعر السلبية بدأت تتضاءل...ياللا توكل على الله وروح استمتع بيوم جميل مع أصدقائك يا أستاذ ع
ودلوقت تقدر تعمل نفس الخطوات اللى عملها الأستاذ ع وتطبقها على نفسك فى مفكرة يومية تدون فيها كل المواقف اللى بتحصل معاك....طيب أى موقف وحتعرفه إزاى...أول ما تلاقى نفسك قلقان وبدأت تشعر بالتردد...إعرف إنك بتواجه موقف خطورة...فى مفكرتك اليومية إعمل نفس العناوين الرئيسية وفكر واختبر أفكارك ومشاعرك..ونلتقى بإذن الله فى رصد السلوك الناتج عن الأفكار السلبية
<!--<!--[if gte mso 9]-->
ساحة النقاش