******** ماليش غيرك ********
عيونك ف الهوا حبي ........ ونبضك بيه عايش قلبي
ماليش غيرك ف يوم ليا ...... مفيش غيرك يكون ليا
ومهما كانلي ومخبي .......
بروحي أفديكي وبقلبي
لقيت نفسي أنا معاكي ......... عشقتك ايوه بهواكي
ومهما يكون أوصاد عيني .. ميلزمنيش يا نور عيني
دا فرحي يوم مبلقاكي
وبنساني ولا انساكي
شايلك م الحياه فرحه ....... وجايلك بكره بالطرحه
نغم صوتك في ألحاني ............. معطر كل أزماني
يا نجمه وف السما سارحه
يا كلمه وليا مش جارحه
ماليش غيرك ف يوم ليا
مفيش غيرك يكون ليا
الشاعر الغنائي / عرفات فرج الله بلبل
