(عندك رس)
شعر شعبي عراقي
    سومري حر
دورت ومثلك ملكيت
يالحبيتك بااول نظره
           فكرت وبيك اتخايلتك
        وانته اتحب غيري ياحسره
Zzzzzzzzzzzzzzzzzzz
تمنيتك بس تصبح ليه
وامشي اوياك العمر سنين
         ادري بيك انته اختاريت
          وشفتك تختار الموزين
حللته واقريته بلحظه 
 كلي بفكرك رايح وين
         اختاريته وماتعرف عنه
  عجبه اعليك التمشي ابامره 
دورت ومثلك ملكيت
يالحبيتك باول نظره
           فكرت وبيك اتخايلتك
     وانته اتحب غيري ياحسره
zzzzzzzzzzzzzzzzzzzz
دور هالرغبه من اختارك
مصاحبله هواي الي مثلك
         يوميه اليطلع وي واحد
       وماتعرف بيه راح ايهملك
مصلحجي ايدور نزواته
شلون البعد اليترحملك
     وما شفت انسانيه الماعنده
     أمنيته الها كون الي ايدمره
دورت ومثلك ملكيت
يالحبيتك باول نظره
             فكرت وبيك اتخايلتك
     وانته اتحب غيري ياحسره
zzzzzzzzzzzźzzzzzzzzzz
ياما احجي وانطي تحذير
حللته ايتركك فد لحظه
وهسه انته تريد الترجعلي
وشيفيد المايكعد حظه
نايم وافتر بيك البين
وياهو الدزيته الي ترفضه
خيبت اظنوني ورديت
ومن درسك سوبتلي عبره
دورت ومثلك ملكيت
يالحبيتك باول نظره
فكرت وبيك اتخايلتك
وانته اتحب غيري ياحسره
،zzzzzzzźzzzzzzzzzzzzz
ظل  متعذب شختاريت
من طبعك انته الي ردته
       اليضحك على غيره الينلام
         اختاريت انته الي دورته
اذكر اليل البيه سهران
تتركني وتروح بسكته
        واليحفر كبر الغيره اليلكه
      ويجي دوره الي يحفر كبره
دورت ومثلك ملكيت 
يالحبيتك باول نظره
            فكرت وبيك اتخايلتك
         وانته اتحب غير ياحسره
zzzzzzzzzzzzzzzzzzzzz
صح لوكتلك ماكو المثلك
وشفتك تلعب عالحبلين
           لابد رس عندك سنعود
    وهواي التعشك موش اثنين
عرقك دساس من الاول
يالوفيت الدين بدين
          مخدوع بحبك وتغشني
        كل مظهر انحس بيه جمره
دورت ومثلك ملكيت
يالحبيتك باول نظره
           فكرت وبيك اتخايلتك
    وانته اتحب غير ي ياحسره
zzzzzzzzzzzzzzzzzzzzz
 عارف شلش السعدي