كشفتك الايام
بسأل ومين مين يجاوبني بعد ماكنت وكنا زمان
خدعتني وقلت إنك في قلبي ولك ف القلب مكان
إنت الروح وانت المُنى وف عيوني اجمل إنسان
والله وكشفتك الايام وظهرتلي إنك كداب
وشوفت حبك كله خداع ووهم وسراب
وكشفتك ليا الايام مع أول زعل وخصام
راجع تقول إنت الحبيب وانت العنوان
ومن غيرك لاانا عايش ولاحاسس بالامان
بعد إيه وانت اللي بدأت وانت الغلطان
شوف عملت فيا إيه والقلب حبك قد إيه
وعيوني ماشافت غيرك ولا جوه القلب سواك
كنت الدنيا كنت الهوا والنسمه
كنت القسمه والفرحه وراحة البال
كنت ايامي ولياليا ونور القمر وضي عينيا
شوف جرا إيه وعملتلي إيه وانا اللي كنت بترجاك
انام واصحى وفكري مشغول بهواك
واتكلم واقول آه ده حبيب العمر وهوايا
هو مونيا وكل العمر وراحة البال
غدرت بي وكشفتك الايام
ابراهيم محمد آدم
