<!--<!--<!--[if gte mso 10]> <style> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-parent:""; mso-padding-alt:0in 5.4pt 0in 5.4pt; mso-para-margin-top:0in; mso-para-margin-right:0in; mso-para-margin-bottom:10.0pt; mso-para-margin-left:0in; text-align:right; line-height:115%; mso-pagination:widow-orphan; font-size:11.0pt; font-family:"Calibri",sans-serif;} </style> <![endif]-->
الأهـر …… مات
دعكت عينى
بطرف حرف البطانية طلعت له
لقيته واقف يحتوى
كل البشر ويقول لهم
هاقطعه .. وأجمعه
وهافرده وأبرمه وهاحرمه
ينام ويحلم ف الهرم
دا واد هفيه بتاع لبط
آخر فراعنتنا الكرام
رابض أمامكم كالأسد
عانس وحتى ملهوش هول
تعملى واكل صحن فول تعملى غول
أمرك ف لحظة ها ينكشف
نكش هدومه وقال لهم
لو كان دا خوفو
عـو شوفوا اللى حصل
أنا كنت واد من اللى هما
فتوا صايع محترف
أسرق كلوب من الفرح
وأجرى ناس وأجيب ضلف
قاعد معاكم والبساط كان أحمدى
فتغمزوا
بدل ما تحكوا عن الشرف
داتكوا القرف
هذا ترف .. من نوع ردىء
بنصدره ونجيب بداله ..عملة صعبه بالقوى
من ناس بتاخده تعلفه وتغلفه وتحلفه يقول لنا
انه أبن أصل من الطبيعى بدون اضافة أنزيمات
اللى أصابه الإيدز مات
واللى يبرطع ف التراب قالوله إن السقا مات
والتعلب المرحوم سكات محتاج لحد يبرأه
من تهمة اللفات وفات
وهو لا ف ديله لفف
ولا حتى نام ف المنهرم اللى أنهرم
من فوق دماغه وإنخرم
لو كان دا خفرع خفرعوا
قوموا إهرعوا
فيه عيش فى كشك العيش وعوا
ولحمة عند الجزارين فلتسرعوا
تحت الكبارى وع السكك تتسولوا
ولو أفشكوا العسكرى اتسكعوا
واتفرقوا واتفرعوا وانفرقعوا
علشان يدوخ المنكرى
هاتوا حلاوة وعيش طرى
مابين إيدين خفرع رعوا
بوسوا إيديه يغـفر لكم ويحبكم
يديكوا سرداب تسكنوه
أو حتى وياه ف الهرم
شكرا على هذا الكرم
بس بورم
مِنحة .. منعنا البنكنوت
وكل مولود له تابوت
ومسلة للى يعترض
وكرت أحمر للحكم
نفس الولد لما أحتكم
وخبى وشه فتلكم
بصلنا ليه برموش عينيه
وخرج لنا من تحت أنقاض التابوت
وقف الصموت .. وقالهم
أنا جدى خوفوا خلا خوفوا
يمشى كل الناس أمُم
فوق العجين متلخبطوش
اللى يدق بحدوته
يسأل يقول فين من قرع
واللى بيشرب مية بعد الفتة
يجبع جبعتين
يسأل بغيظ
مين اللى م المية قرع
الكل خايف يعترف
وأنا الوحيد .. اللى ف آمان
من لطش أيد خفره .. وعوا
إنى حفيده المنتظر من بين ولاده
اللى فى شجرة تفرعوا
وبرغم كل التبريرات
كان عندى حالة من الهلع
لأنى ناوى أعترف
أنا اللى ع الباب من قرع
وقف الصموت
ماسك ف أيده عين حتب
وقال لسياف البلد
لو كان صحيح ده من قرع
طب ليه فتحنا الباب
لقينا اللى قرع
"يس خلاص"
