<!-- "الفاكهة المستحيلة"
إستحالت كل ألفاظي الجديدة والعتقية
إني أهرب من رضابك
من سنابك جوا قلبي
تعصر الكلمة "اللارنج" بكل قسوة
فوق حنان"رمان" بيحلم
بللي يقطف منه حبه
أو"شادوك" حب"السفرجل" و"الطرنج"
وألفوا كوكتيل يضاهي في قوته حجم"اللمون"
فأنتحب أبو فروة من طعم اللذاذة والمذاذة
والجنون الإرتجافي
أربطيني ف كل نخلة ورشي فوقي الملح صافي
أستخبى في اللى داب جوا "الزيتون"
وأعصرك من كتر حدقي
يبقى حضنك ليه دوم نفس"البكان"
أو"لفستق" لسه مش محتاج "لبندق"
يحكي له حدوته بايخة عن"جوافة"
ف قلبها كل المعاني المستحيلة
أو عصير"جميز" مخبي في قلبه"توتة"
ينهي بيها أي كلمة ف قلب جوزة
نفسها في جوزها اللي هارب
ويا "منجة" و"برتقالة"
شاربه كل البحر"قشطة"
وسايبه"يوسف" جوا سجنه
و"كاكي" يحلم بللي يحلم
يستلذ بطعم قشره .. أه يا قشره
لما شاف كل المناظر
حط عينه فـ "عين جمل" محتاج لراوي
كان يكبر في الحكاوي
يرسم الكلمة بغناوي
"وبعنب" يفرط حروفها
فوق"سبوتا" أو"بباظ"
مجهول لجهل البعض بيه
أو وعود إهداء" لمشمش
فستياح "التين" كمعنى
بدون ما يعرف إنه مش برشومي
لكن كله شوك
والبديل"أناناس" .. بيهرب من عيون"البشملة"
و"النبق" كان المسألة لكل الظروف
تتحل كل المشكلة بـ"جريب فروت"
أو"جاك فورت"
عارفين مجاهل سكتك
فتن عليك "البرجموت"
عن"موز" دبل بعد العفن
لمي الكفن جوا التابوت
"الخوخ" رفض حتى العزا
"تفاحك" المزعوم دبل
فوق وجنتك
"عرجون" ورافض ينكمر
م البرد فوق "كمترتك"
لو هيتئي لي .. أو هيئتلك
بجف وأرفض أشربك
زيت النخيل بيرطبك
لكن بحبك البنوى
فأرمي "البلح".. تمرك بخيل
واليوم في برد الليل طويل
كان الدفا قبل الفواكه مستحيل
" بس خلاص"
