اليخت بخت
اليخت بخت يا عين
والطيارات حواليه بتدور
سألت ليه فاتحين الباب
قالولي كان مقطوع النور
ضروري تقفل من بره
وأنت النوبة دي عليك الدور
طلع لي قرش معاه بايب
والميه فيه عمالة تفور
طبق جريدة اليوم لكن
غمزلي بعينه الأمور
غمزت له يبعد عني
أو يجي يشرب عندى الشاي
أوعدكوا بحاجات م التانية
لو تعرفوالي هايجي إزاى
وإن لقيت لونكم داكن
ها غير الخطة ولكن
أنا عندى شقة مش ساكن
فى عمارة كان بابها مضلم
أن كنت نايم باتكلم
سمعنى واحد متزمت
ضرب مراته بدون مأفهم
مش لازم أفهم ولا حاجة
القطة كان محتاجة
للقمة مقطوعة هلامى
أكلت طعام اليوم كله
والباقى حطوه قدامى
أكلت حتى النوم جانى
صحانى م النوم التانى
قعدت فى الضلمة باخطط
إزاى ما بعرفش السكة
والأعمى ماشى بيتنطط
لبست نضارة غويطة
طلعت م الباب ف الحيطة
وطاخ وطيخ ورمت راسى
ربطوها عقدة وشنيطة
وشنيطة دى مُصغر شنطة
جبتها ماما وفيها بطة
ولعب وحاجات
قعدت ألعب وأنا ناسى
والديب أهو فات
على عشة فاضية هجرها الديك
زعل قوى وأصبح أرنب
ملقاش جزر أحمر وأصفر
ولا خس م العال يا مليجى
لما أنت زعلان ليه بتيجى
عند الحمار وياك الفار
أشكالكو متقاربة ولكن
الفار نضيف وأنت الأنضف
لبس الحكيم النضارة
وراح باريس ورجع ماشى
ولجامه ما فهوش زمارة
أنا كنت ماسك سنارة
شبكت فى ديل فستان واحدة
ضحكت وقالت بالوحدة
عيب يا لفندى
زعلت جداً من نفسى
علشان ماشدتش الغابة
والغابة دى فيها الغزلان
وأسد ونمر وكام تعبان
تعبان من إمبارح يانى
جابولى كام ساعة يبانى
محتاجة تصليح لتروسها
والعقرب الهايص لايص
من غير ما رقاص بيهزه
أو حتى بيلف بترسه
دخلت صالة من البلاكون
لأنى ما بحبش ترسو
وترسو دا موضة قديمة
بيدخلوه الشبيحة
إيراده لشجيع السيما
ياما ضربكوا الواد عنبة
ولكمته سودة قديمة
طلعلى بترول فى الحمام
رحت أشتريت كام بريمة
أتارى بترولهم كاذب
كل البشر من طين لازب
وأنت اللى من مارج من نار
عمال بتغوينى أجيلك
وأنا اللى بيعوزنى يجنى
ما بروحش لحد
بعت لك جوابات جوابات
مستنى حد يقولى إتهد
والله عيب هو أنا من طوب
أو حتى مصبوب ف العمدان
نص البشر أبيض وأسود
والتانى نص ملوش ألوان
إظهر وبان لو كنت جبان
علشان أقطع من لحمك
وأديه لكلب يكون له سنان
طلعلى نمر ملوش مخلب
وفهد م النوع الإنسان
ميّل عليه وقال ليه
أسد أسدكو أكل ليه
أكلت ليه كل اللية
وليته كانت ليه
وهو له ليه وليه
ليه ياكلها وقدامى
ويقول أكلها ومش ليه
أنا قلت له ليه الليه
وليك يا صاحبى كمان ليه
وليتى كانت ليه
أنكر وقال إنه ما كلشى
غير البطاطس والخرشوف
فتحت بقه عشان أشوفه
لقيت سنانه عليها قرون
وفوق لسانه فرو خروف
وبين صداغه كمان ليه
هافتش الكل وهاعرف
لو ليته كانت ليه
" بس حلاص"
" كتبت عام 1988"
