الإنسان الودود ذو الشخصية البسيطة
صفاته
هادي و ووشه مبتسم و اعصابه هاديه
عنده ثقة في الناس و ثقة في نفسة
بيحب ان الناس تتكلم عليه كويس و بيحب يسمع منهم كلام حلو عنه ديما
قلبه طيب و بيحب كل الناس و الناس كلها بتحبه
مبيعرفش ينظم مواعيده و يحافظ علي الوقت
انسان مرح ديما
مبيحبش يتكلم عن اي حاجه ليها دعوه بالشغل بره الشغل
شايف نفسه ان هو انسان كويس و اللي حوليه كويسين برضو ( لان اللي بيحب نفسه حيعرف يحب الناس و لو شفت واحد مخنوق من كل اللي حوليه اعرف ان هو مش بيحب نفسه او مقدرها كويس )

تتعامل معاه ازاي
قابله باحترام و اسمع ليه كويس
لما تكونو بتتكلمو عن موضوع معين حاول متخرجش عن الموضوع ده
حافظ علي مواعيدك معاه لان المواعيد دي بالنسبة ليه كارثة لو مجتش في معادك
متخدش كل حاجة بهزار معاه وقت الجد جد ووقت الهزار هزار

الإنسان الخشن
صفاته
قاسي في تعاملاته مع الناس و كمان بيقسي علي نفسه كتير
مبيحاولش انه يفهم مشاعر الناس اللي حوليه لانه من الاخر معندوش ثقة في حد
لما يكون بيتكلم مع حد ديما يقاطعه في الكلام و ده بيبن قد ايه هو مهتم برآيه هو بس
بيحاول انه يحسس الناس قد ايه هو مهم بروح اهله
مغرور جدا وواخد قلم في نفسه لدرجة ان الناس بتكره للسبب ده
عنده قدرة كبيرة علي المناقشة و طبعا بيكون متمسك جدا برآيه
شايف نفسة كويس جدا بس الناس زي الزفت جدا

تتعامل معاه ازاي
حاول تكون هادي و انتا بتتكلم معاه
اسمعه كويس و هو بيتكلم
اتاكد انك قادر انك تتعامل معاه
متحاولش انك تضايقة و انتا بتتكلم معاه بس اتاكد انك تقدر تتكلم معاه
حاول تتكلم معاه بمعلوماته هو مش انت
خليك حازم لما تقول وجهه نظرك ليه
حاول تفهمه ان الانسان المحترم محترم باحترامه للي حوليه
استعمل معاه اسلوب عندك حق ....... لكن

الشخص الذي تتصف ردود فعله بالبطء والبرود:
صفاته
بارد جدا و صعب تعرف تتفاهم معاه
عنده قدره عاليه علي الاستماع للناس و انه يتقبل المعلومات الجديده
مبيحبش يعترض علي اي حاجة او اي حد بيريح دماغه من الاخر
لما حد بيسئلة اي سؤال بيحاول يتهرب منه
مبيحبش يتعامل مع الناس عشان هو غير عاطفي

تتعامل معاه ازاي
ابضن عليه زي ماهو بيبضن عليك و اسمعله كويس جدا و متقلش اي تعليق علي اللي بيقوله
خليك صامت و قامط عشان تخليه يتكلم و يجاوب علي اي سؤال
خليك بطيء جدا في التعامل معاه و بحذر
وريله قد ايه انتا بتحترمه



الشخص المتردد
صفاته
معندوش ثقة في نفسة
ديما بيبان انه قلقان و مكسوف
غالبا ما بيكون متردد في كل حاجة
بيلاقي سعوبه انه ياخد اي قرار
بيحب يتعامل في الشغل بقوانين الشغل و الشارع بقوانين البلد
بيوعد كتير جدا و مش مهتم بالوقت
ديما بيحب انه يعرف كل حاجة عن اي حاجة
شايف نفسة ان هو مش كويس بس كل الناس كويسة

تتعامل معاه ازاي
حاول تديله ثقة في نفسة
حاول تخفف من كسوفة و قلقة بالهزار معاه ديما
حاول تساعده انه يعرف ياخد القرارت و فهمه انه لو اتاخر في اي قرار ده مش كويس عشانه
اكد علي اي كلمه بيقولها و قله ديما انتا صح
فهمه ان الانسان لازم يكون قادر علي اتخاذ اي قرار بنفسه

الشخص الثرثار
صفاته
بيتكلم كتير وبيتكلم عن كل حاجة و اي حاجة
فاكر نفسه انه مهم
ديما حتاخد بالك انه هو بيحاول يتعالي بس هو اضعف مما تتخيل
بيتكلم عن كل شيء الا موضوع المناقشة
ديما بيغلط
بيسرح كتير و يهتش عشان يثبت وجهه نظره للناس
شخصية بضينة فعلا

تتعامل معاه ازاي
ابضن عليه و هو بيتكلم و قله يعم انتا مش احنا كده بعدنا عن الموضوع اللي بنتكلم عليه
بينله انك مخنوق من امه يعني كل شويه انفخ و بص في ساعتك .....

الشخصية المعارضة دائما
صفاته
مبيهتمش لاي حد لدرجة ان الناس ممكن تكرهه
معندوش ثقة في نفسة عشان كده تلاقية بيطرح وجهه نظره بطريقة سلبية
تقليدي جدا و مفيش اي فكره او اختراع جديد ممكن يعجبة
معندوش خيال و ديما عايش في الواقع
عنيد و رخم و ديما بيعترض (خلقنا لنعترض )
بيفتكر ديما ماضيه
معندوش حاجة اسمها روح القانون ديما بيتعامل بالقانون و بس
مبيحبش يخاطر باي حاجة عشان خايف يفشل

تتعامل معاه ازاي
اعرف وجهه نظره كويس
حاول و انتا بتتناقش معاه تتكلم بالادله عشان تاكد وجهه نظرك
متدلوش فرصه انه يقاطعك
قله افكارك الجديده بالتدريج
خلي عندك صبر و خليك بضين و انتا بتتعامل معاه

الشخص مدعي المعرفة
صفاته
مبيصدقش كلام حد و ديما بيعترض علي كلامهم
متكبر و بيحب ديما ان هو يكون محور كل حديث
عنيد و متمسك برآيه
بيحب يتكلم عن نفسه طول الوقت و بفخر كمان
بيشك في اي حد بيتعامل معاه
بيحاول يعلمك كل حاجة في اي حاجة حتي ممكن يدخل في شغلك عشان يعلمك تشتغل ازاي

تتعامل معاه ازاي
امسك اعصابك و خليك هادي جدا
اقبل كلامه بس خلي عندك صبر في عرض وجهه نظرك
في وقت من اوقات الكلام ابدأ اشكر فيه و اديله قلم في نفسه
ديما حاول تختار الوقت المناسب عشان تعرف تعرفه غلطه صح
خليك واقعي ديما معاه
متحاولش تنتقم منه ابدا

الشخص الخجول
صفاته
معندوش ثقة في نفسه
سهل جدا انه يرتبك
لونه وشه ممكن يتغير من اصغر حاجة
بيحاول انه يستخبي ورا الناس
و الاخ ده في كل حياته بيكون فاشل في كل حاجة

تتعامل معاه ازاي
اطلب منه انه يقول وجهه نظره
حاول تزيد ثقتة بنفسة انك تحطة في موقف متأكد انه حينجح فيه يعني مثلا قله قشر البرتقالة دي (لول عليا )
حاول ديما تديله الحل الاكيد لمشاكله و خليه يثبت علي الحل ده

الشخص العنيد
صفاته
بيتجاهل وجهه نظر اي حد و بيبقي مش عايز يسمعها من الاساس
بيرفض اي حاجة حتي الحقائق الثابته زي ان الشمس بتطلع الصبح عشان يثبت قد ايه هو عنيد
قاسي في تعامله مع الناس
مبيحترمش حد و بيحاول ينتقم من كل الناس بسبب او بدون

تتعامل معاه ازاي
خلي كل الناس معاك في وجهه نظرك عشان تثبتلة ان هو غلط لو اقتنع اساسا
قله انا مقتنع بوجهه نظرك بس حفكر فيها بعدين مش دلوقتي

الشخص المفكر الإيجابي
صفاته
ديما مواقفه كلها ايجابيه
متحمس و ذكي و بيهتم بالنتائج بس
بيعرف يتكلم ازاي و يعرف يحرجك ازاي و يخليك مش عارف ترد
بيعترض بس باسلوب لبق و مقبول
عنده القدره ان يسمع الناس كويس و بكل هدوء
واقعي و بياخد اي قرار ليه بهدء و بعقلانيه

تتعامل معاه ازاي
قدر دماغه و فكره
متجبلوش النتائج مره واحده لا و, ادرج في كلامك معاه لغايه لما توصل لنتيجة
قدر اي تحدي و خليك مستعد انك تتكلم معاه

الشخص المتعالي
صفاته
حاسس ديما ان هو في المكان الغلط و ان هو المفروض يكون في مكان احسن من اللي هو فيه (انتا اكيد من عالم تاني )
بيحاول يوقع كل الناس في الغلط و بيشوف العيوب اللي في الناس بس
بيعامل كل الناس بتكبر عشان فاكر ان هو فوق الجميع

تتعامل معاه ازاي
متدلوش اي فرصه ان هو يكون صح
متوجهش ليه سؤال سهل و مفتوح عشان حيفتكر انه اينشتاين بروح امه

الشخص كثير المطالب
صفاته
بني ادم رخم من الاخر
صعب انك تتعامل معاه كتير لانه هيطلب منك حاجات كتير
لحوح جدا

تتعامل معاه ازاي
حاول ديما انك تديله امل و تخلب في وعدك ابضن عليه لغايه لما يتخصي منك و يبعد عنك

الشخص الباحث عن الأخطاء
صفاته
دي اللي اخترع حكمه الهجوم خير وسيله للدفاع
بيعرف ازاي يثبت ان الناس غلط
عنده ديما شويه اسئلة يقدر يحرجكك بيها
تلاقيه مش ثابت في حته حيموت لو ملقاش حاجه غلط يبضن بيك عليها
مبيحترمش مشاعر حد

تتعامل معاه ازاي
متفقدش اعصابك و انتا بتكلمه
متدلوش فرصه انه يتكلم للاخر
اسمعله كويس
متدلوش الفرصه انه يسيطر علي الحديث

الشخص الشاكي
صفاته
لو حاولت انك تساعده و تدور علي حل لمشكلته هيقلك كل بضان شكلك مش فاهم انا اقصد ايه
لو سئلته بس انتا عامل ايه النهارده حيرد عليك و يحكيلك قصه حياته و شويه صعبانيات و ازاي ان كل الدنيا بتبضن عليه

تتعامل معاه ازاي
حاول تسمعله كويس عشان تعرف حالته كويس
متحاولش انك تقله حل اي مشكله ليه لا خليك بضان لو قلك انا تعبان قله فعلا وشك اصفر النهارده

طبعا برضو في ناس بتكون شخصية مستقله عن كل ده او بيجمع صفة من كل دول

مع تحياتى

محمد نتعى الحلوانى