!!! و دي حكـايتى مع الجنيــه

أنا كان معايا جنيه
قولت
...

يا إما أشرب عصير قصب أو أركب الأتوبيس فقولت

أنا لو ركبت الأتوبيس هيبقي فيه ..

حل من إثنين

يا إما هقف أو هقعد

لو وقفت مش هيبقي في أي مشكلة

لكن لو قعدت هيبقي فيه ..

حل من إتنين

يا إما هيقعد جنبي راجل أو هتقعد جنبي ست

لو قعد جنبي راجل مفيش مشكلة

لكن لو قعدت جنبي ست هيبقي فيه ..

حل من إتنين

يا إما هنعجب ببعض يا إما مش هنعجب ببعض

لو ما أعجبناش ببعض مفيش مشكلة

لكن لو أعجبنا ببعض هيبقي فيه ..

حل من إتنين

يا إما هنتجوز يا أما مش هنتجوز

لو ما اتجوزناش مفيش مشكلة

لكن لو إتجوزنا هيبقي فيه ..

حل من إتنين

يا إما هنخلف يا إما مش هنخلف

لو مخلفناش مفيش مشكلة

لكن لو خلفنا هيبقي فيه ..

حل من إتنين

يا إما هنخلف ولد أو بنت

لو خلفنا بنت مفيش مشكلة
لكن لو خلفنا ولد هيبقي فيه ..

حل من إتنين


يإما هيستقيم أو هينحرف

لو استقام مفيش مشكلة
لكن لو إنحرف هيبقي فيه ..

حل من إثنين

يا إما يدمن أو مش هيدمن

لو مأدمنش مفيش مشكلة

لكن لو أدمن هيبقي فيه ..

حل من إتنين

يا إما هيبقي معاه فلوس أو معهوش

لو كان معاه فلوس مفيش مشكلة

لكن لو كان عايز فلوس هيبقي فيه ..

حل من إتنين

يا إما هيسرقني أو هيقتلني

لو سرقني مفيش مشكلة
لكن لو قتلني !!!

لا لا لا لا

طيب و على إيه ده كله ؟؟

أنـا أشــرب عصـــير قصـــب أحســن

!!!!!